കുഞ്ഞും കിഴവനും

സ്പൂണ്‍ വഴുതി വീഴാറുണ്ട്;
കുഞ്ഞിന്റെ കളമൊഴി.

എന്റെ വിരലുകളില്‍നിന്നും;
കിഴവന്റെ മറുമൊഴി.

അറിയാതെ നനയുമെന്‍ നിക്കര്‍;
ലജ്ജയോടെ കുഞ്ഞ്.

നനയാറുണ്ടെന്റെ കള്‍സറായിയും,
കുണുങ്ങിചിരിച്ച് കിഴവന്‍.

കരയാതിരിക്കാന്‍ കഴിയുന്നില്ലെനിയ്ക്ക്;
കുഞ്ഞിന്റെ ഗദ്ഗദം.

നിറയാറുണ്ടെന്റെ കണ്ണുകളും;
തൊണ്ടയിടറി കിഴവന്‍.

കൂട്ടുകൂടുവാനാരുമില്ലെനിയ്ക്ക്;
വിതുമ്പുന്നു കുഞ്ഞിച്ചുണ്ടുകള്‍.

അറിയാമെനിക്കാവേദനതന്നാഴവും;
തലോടുന്നു ചുളിഞ്ഞവിരലുകള്‍.














(ഷെല്‍ സില്‍വര്‍സ്റ്റീനിന്റെ "ദി ലിറ്റില്‍ ബോയ് ആന്റ് ദി ഓള്‍ഡ് മാന്‍" എന്ന  ആംഗലേയ കവിതയുടെ മലയാള ആവിഷ്‌കാരം.) 

44 അഭിപ്രായങ്ങൾ:

  1. വാർദ്ധക്യവും ബാല്യവും തമ്മിൽ പ്രായത്തിന്റെ അന്തരം മാത്രമാണ് ഉള്ളതെന്ന് ഓർമപ്പെടുത്തുന്നു ഈ കവിത. സമാനമനസ്കരുടെ വ്യഥ വെളിവാക്കുന്ന വരികൾ.
    ചെറുപ്പത്തിൽ പരിഗണന ആഗ്രഹിക്കുന്നവർ മുതിരുമ്പോൾ കുട്ടികളെ ഗൗനിക്കുന്നില്ല. വാർദ്ധക്യത്തിൽ പരിഗണന പ്രതീക്ഷിക്കുന്നവർ അത് നൽകാനും മെനക്കെടുന്നില്ല. അങ്ങനെ, യുവത്വത്തിന് ഒരു ഓർമപ്പെടുത്തൽ കൂടിയാവുന്നു ഇത്.
    മലയാള ആവിഷ്കാരം നന്നായിരിക്കുന്നു.

    മറുപടിഇല്ലാതാക്കൂ
    മറുപടികൾ
    1. നന്ദി കൊച്ചുഗോവിന്ദന്‍ ഭായ്. വരികളിലെ ആശയം ഉള്‍കൊണ്ടതിനും പങ്കുവെച്ചതിനും.

      ഇല്ലാതാക്കൂ
  2. കവിതയുടെ ആത്മാവ് ചോരാതെയുള്ള പരിഭാഷ.....

    മറുപടിഇല്ലാതാക്കൂ
    മറുപടികൾ
    1. ലാളിത്യം നിലനിര്‍ത്തി ആത്മാവ് ചോരാതിരിക്കാന്‍ ശരിക്കും പ്രയാസപ്പെട്ടു മാഷെ. നല്ല വാക്കുകള്‍ക്ക് ഒത്തിരി നന്ദി.

      ഇല്ലാതാക്കൂ
    2. തീർച്ചയായും. വായനയില്‍ അത് അറിയാൻ കഴിയുന്നുണ്ട് .......

      ഇല്ലാതാക്കൂ
  3. ഒന്നാം ബാല്യവും രണ്ടാം ബാല്യവും തമ്മില്‍ സംസാരിക്കുമ്പോള്‍ ഉള്‍ക്കാമ്പുള്ളവര്‍ക്ക് നോ വും.... നന്നായി മാഷേ...... ആശംസകൾ

    മറുപടിഇല്ലാതാക്കൂ
    മറുപടികൾ
    1. അതെ വിനോദ് ഭായ്. ഹൃദയമുള്ളവര്‍ക്ക് നോവും. നല്ല വാക്കുകള്‍ക്ക് നന്ദി.

      ഇല്ലാതാക്കൂ
  4. എന്റെ അഭിപ്രായം കളഞ്ഞോ???കണ്ടില്ല.

    ശൈശവവും വാർധക്യവും തമ്മിൽ ഒരു വ്യത്യാസവുമില്ലെന്ന് ഓർമ്മിപ്പിക്കുന്നു.

    മറുപടിഇല്ലാതാക്കൂ
    മറുപടികൾ
    1. ഒരുപക്ഷെ കമന്റ് പബ്ലിഷ് ആയികാണില്ല. എനിക്ക് ചിലപ്പോള്‍ അങ്ങനെ സംഭവിക്കാറുണ്ട്. ഒറ്റപ്പെടലിന്റേയും അവഗണനയുടേയും വേദന അസ്സഹനീയമാണ് സുധി. ഞാനത് അനുഭവിച്ചിട്ടുണ്ട്. വാര്‍ദ്ധക്യമന്നാല്‍ ഒരു രണ്ടാം ശൈശവമാണെന്ന് ഷേക്‌സ്പിയര്‍ തന്നെ പറഞ്ഞിട്ടുണ്ട്. വായനയക്കും കമന്റിനും നന്ദി.

      ഇല്ലാതാക്കൂ
  5. ‘ആറും അറുപതും’ ഒരുപോലെയാണെന്ന പഴമൊഴി വെറുതെയല്ല..

    പക്ഷേ, സ്മാർട്ട് ഫോൺ സ്ക്രീനിന്റെ നാലതിരുകൾക്കുള്ളിൽ ചടഞ്ഞുകൂടുന്ന പുതുതലമുറയ്ക്ക് ഈ ഒറ്റപ്പെടലൊന്നും ബാധകമാവില്ലെന്ന് തോന്നുന്നു..

    മറുപടിഇല്ലാതാക്കൂ
    മറുപടികൾ
    1. മടുക്കും ജിമ്മിച്ചോ... ഏതു തലമുറയായാലും ഒരു പ്രായം കഴിഞ്ഞാല്‍ എല്ലാം മടുക്കും. അപ്പോഴായിരിക്കും ചുറ്റുമുള്ളവരെ കാണുന്നത്. പക്ഷെ ആരും തിരിഞ്ഞുനോക്കിയെന്നു വരില്ല. സന്ദര്‍ശനത്തിനും അഭിപ്രായത്തിനും ഒത്തിരി നന്ദി.

      ഇല്ലാതാക്കൂ
  6. തനി പദാനുപദ തർജ്ജമയല്ലാതെ
    സ്വതന്ത്ര പരിവർത്തനത്താൽ ...സാക്ഷാൽ ക
    വിയുടെ ഭാവന തന്നെ മലയാളത്തിലും കിട്ടിയിരിക്കുന്നു...

    പിന്നെ

    ഒന്നാം ബാല്യത്തിൽ ലാളനയും പരിഗണനയും
    വേണ്ടധിലധികം കിട്ടുമെങ്കിലും , രണ്ടാം ബാല്യമായ
    വാർദ്ധക്യത്തിൽ കൂടുതലും കിട്ടുക ഒറ്റപ്പെടലും അവഗണനയുമാണല്ലൊ

    മറുപടിഇല്ലാതാക്കൂ
    മറുപടികൾ
    1. അതെ മുരളി ചേട്ടാ... വാക്കുകളല്ല, ആശയമാണ് മലയാളത്തിലാക്കാന്‍ ശ്രമിച്ചത്. പ്രോത്സാഹനത്തിന് നന്ദി. ജീവിതത്തിനു തിരക്കേറുമ്പോള്‍, വലിയ സ്വപ്നങ്ങള്‍ക്ക് ആനുപാതികമായി മാതാപിതാക്കള്‍ സമ്മര്‍ദ്ദത്തിനടിമപ്പെടുമ്പോള്‍, ഇന്നത്തെ കാലത്ത് കുട്ടികള്‍ക്കും ഒറ്റപ്പെടല്‍ അനുഭവപ്പെടുന്നുണ്ട് എന്നതും ഒരു യാഥാര്‍ത്ഥ്യമല്ലേ.?

      ഇല്ലാതാക്കൂ
  7. ആറിലും അറുപതിലും ഒരുപോലെയാത്രെ!

    മറുപടിഇല്ലാതാക്കൂ
    മറുപടികൾ
    1. ആറാം മാസമാണോ അജിത്തേട്ടാ... അല്ലെങ്കില്‍ അത് ഒരു പ്രാസം ഒപ്പിച്ചുപറയലാണ്. പല്ലില്ലാതെ മോണകാട്ടി ചിരിക്കുന്ന, കിടക്കപായയില്‍ മൂത്രമൊഴിക്കുന്ന ഒരു ശൈശവം ആറിനു മുമ്പും അറുപതിനു ശേഷവുമാണ്.
      "Turning again toward childish treble, pipes
      And whistles in his sound. Last scene of all,
      That ends this strange eventful history,
      Is second childishness and mere oblivion,
      Sans teeth, sans eyes, sans taste, sans everything."

      William Shakespeare

      ഇല്ലാതാക്കൂ
  8. ലാളിത്യം ചോരാതെയുള്ള പരിഭാഷ അസ്സലായി! ആശംസകൾ!

    മറുപടിഇല്ലാതാക്കൂ
  9. നിഷ്കളങ്കമാണ് ഈ പ്രായത്തിന്റെ മറ്റൊരു പ്രത്യേകത.., അല്ലെ..?

    ആശംസകൾ..

    മറുപടിഇല്ലാതാക്കൂ
    മറുപടികൾ
    1. അതാണ് ശ്രദ്ധേയമായ സമാനത. നന്ദി ശിഹാബുദ്ദീന്‍ ഭായ്.

      ഇല്ലാതാക്കൂ
  10. സുധീർഭായ്... പരിഭാഷയുടെ ലാളിത്യം എടുത്ത് പറയേണ്ടത് തന്നെ... കവിത പരിഭാഷ ചെയ്യുക എന്ന് പറഞ്ഞാൽ അത്ര എളുപ്പമല്ല കാര്യമല്ല... അഭിനന്ദനങ്ങൾ...

    മറുപടിഇല്ലാതാക്കൂ
    മറുപടികൾ
    1. ശരിയാണ് വിനുവേട്ടാ... ശരിക്കും പ്രയാസപ്പെട്ടു. പ്രോത്സാഹനത്തിന് ഒത്തിരി നന്ദി.

      ഇല്ലാതാക്കൂ
  11. ശൈശവവും, വാർദ്ധക്യവും ഏതാണ്ട് ഒരേ അവസ്ഥ. ലളിതമായ വരികളിൽ പരിഭാഷ. ആശംസകൾ സുധീർ ഭായ്

    മറുപടിഇല്ലാതാക്കൂ
    മറുപടികൾ
    1. നല്ല വാക്കുകള്‍ക്ക് ഒരുപാട് നന്ദി ഗീതാജി.

      ഇല്ലാതാക്കൂ
  12. ബാല്യത്തിന്റെയും വാർദ്ധക്യത്തിന്റെയും വേദന ഒരു പോലെയാണെന്ന് ഒരിക്കൽ കൂടി ഓർമപ്പെടുത്തുന്നു .

    പരിഭാഷ വളരെ മനോഹരമായിട്ടുണ്ട് ട്ടോ സുധീറേ....

    മറുപടിഇല്ലാതാക്കൂ
    മറുപടികൾ
    1. സോറി കുഞ്ഞേച്ചി.. മെയില്‍ അയക്കുവാന്‍ മറന്നുപോയി. എന്നാലും വന്നുവല്ലോ വളരെ സന്തോഷം. നന്ദീട്ടോ.

      ഇല്ലാതാക്കൂ
  13. ലളിതമായ,അര്‍ത്ഥ സമ്പുഷ്ടമായ ,പരിഭാഷ

    മറുപടിഇല്ലാതാക്കൂ
    മറുപടികൾ
    1. വളരെ സന്തോഷം. വേട്ടത്താന്‍ ജി.. പ്രോത്സാഹനത്തിന് നന്ദി.

      ഇല്ലാതാക്കൂ
  14. Hi there....ee kunju kavitha vayicha shesham, njan "little boy and the old man"vayichu...nalla neethi pularthiyittundu mozhimattiyappol.

    മറുപടിഇല്ലാതാക്കൂ
  15. ഷെൽ സിൽവർസ്റെൻ റെ കവിതകൾ ഒന്നും വായിച്ചിട്ടില്ല. അറിയുക കൂടി ഇല്ലായിരുന്നു. പരിചയപ്പെടുത്തിയത് നന്നായി. പറഞ്ഞത് കൊണ്ട് ആ കവിത വായിച്ചു. നല്ല കവിത. ആരും ശ്രദ്ധിയ്ക്കാനില്ലാത്ത കുഞ്ഞിന്റെയും വൃദ്ധന്റെയും അവസ്ഥ ഷെൽ നന്നായി എഴുതി. ചുക്കിച്ചുളിഞ്ഞ കൈപ്പടത്തിന്റെ ചൂട് വളരെ ഹൃദ്യമായി.

    കുഞ്ഞും കിഴവനും കവിത ഒരു ഒഴുക്കില്ല എന്ന് പറയട്ടെ. അത് പോലെ അർത്ഥത്തിലും ഒരു പന്തിയില്ലായ്മ. " കരയാതിരിയ്ക്കാൻ കഴിയില്ല" എന്ന് കുഞ്ഞു പറയുമ്പോൾ അത് വിഷമം കൊണ്ടാണ് എന്ന് തോന്നുന്നില്ല. അത് പോലെ കൂട്ട് കൂടുന്ന കാര്യവും. മുതിർന്നവർ നോക്കുന്നില്ല എന്ന അർത്ഥം തോന്നുന്നില്ല. ഷെൽ പറഞ്ഞ ആ warmth ആ കുട്ടിയ്ക്ക് അനുഭവപ്പെട്ടതായി തോന്നിയില്ല.

    നന്നായി എഴുത്ത്.

    മറുപടിഇല്ലാതാക്കൂ
    മറുപടികൾ
    1. ഓരോരുത്തരുടേയും വ്യാഖ്യാനങ്ങള്‍ വ്യത്യസ്തമായിരിക്കുമല്ലോ. ആത്മാര്‍ത്ഥവും വ്യത്യസ്തവുമായ ഒരു വിലയിരുത്തലിന് നന്ദി ബിപിന്‍ സാര്‍.

      ഇല്ലാതാക്കൂ
  16. വളരെ മനോഹരം.. ആറും അറുപതും ഒരുപോലെ എന്ന് പറയുന്നതിന് ഇങ്ങനെയും ചില മാനങ്ങളുണ്ടല്ലേ .. ആശംസകൾ

    മറുപടിഇല്ലാതാക്കൂ
    മറുപടികൾ
    1. കുഞ്ഞുറുമ്പേ.. നന്ദീണ്ട്ട്ടാ.. ഈ വരവിനും പിന്നെ കമന്റിനും.

      ഇല്ലാതാക്കൂ
  17. ഒന്നിൽ നിന്നു തുടങി ഒന്നിലേക്ക് തന്നെ തിരച്ചു പോകുന്ന ജീവിത
    യത്ര
    നന്ദി

    മറുപടിഇല്ലാതാക്കൂ
    മറുപടികൾ
    1. സ്വാഗതം മൊഹമ്മദ് അനസ്... വരവറിയിച്ചതില്‍ ഒത്തിരി നന്ദി.

      ഇല്ലാതാക്കൂ