കലികാലവൈഭവം

നേരുപറഞ്ഞാല്‍ കഞ്ഞിയില്ലാ നാട്ടില്‍.
വിളയുന്നതെല്ലാം നട്ടാല്‍മുളയ്ക്കാത്ത നുണകള്‍.

നന്മക്കായി വിതയ്ക്കും നുണകളെല്ലാം
സത്യങ്ങള്‍തന്നെയെന്ന് ഭഗവദ്‌സൂക്തവും.

ഇനി കക്കാന്‍ പഠിക്കണം, നിക്കാന്‍ പഠിക്കണം,
കൈനനയാതെ മീന്‍ പിടിക്കാന്‍ പഠിക്കണം.

ചോരപൊടിയാതെ മുറിക്കാന്‍ പഠിക്കണം.
കൊടുക്കാന്‍ പഠിയ്ക്കണം വാടകയ്ക്കു നാക്കും.

ഞെളിഞ്ഞു നിവര്‍ന്നങ്ങനെ നില്‍ക്കണം,
മുണ്ടുടുക്കാത്തൊരു മുറിമൂക്കന്‍ രാജനെപോല്‍,

നഗ്നനെന്നുറക്കെ വിളിക്കും നിഷ്‌കളങ്കനെ,.
നാവുകടിച്ചുപിടിച്ചു കാലുമടക്കിതൊഴിക്കണം.

ചേരയെതിന്നുന്ന നാടുകാണാന്‍ പോകണം,
നീളന്‍ നടുകഷ്ണമൊന്നു കടിച്ചുപറിയ്ക്കണം.

പറഞ്ഞുനില്‍ക്കുവാനൊട്ടും നേരമില്ലെനിക്ക്,
നാടോടുകയാണ്, ഒത്തനടുവിലൂടെയീ ഞാനും.

നില്‍ക്കുന്നിടത്തുതന്നെയുറച്ചുനില്‍ക്കുവാന്‍,
ഓടിക്കൊണ്ടേയിരിക്കണമെന്നതത്രെ പുതുമൊഴി.


48 അഭിപ്രായങ്ങൾ:

  1. മറുപടികൾ
    1. പുഞ്ചിരി വരവുവെച്ചിരിക്കുന്നു. വലിയ സന്തോഷം ശ്രീ.

      ഇല്ലാതാക്കൂ
  2. മറുപടികൾ
    1. സ്വാഗതം ഷരീഫ് ഭായ്... പുഞ്ചിരി വരവുവെച്ചിരിക്കുന്നു. വലിയ സന്തോഷം നന്ദി.

      ഇല്ലാതാക്കൂ
  3. ഇതെല്ലം ചേര്‍ന്നാല്‍ നമ്മള്‍ക്ക് രാഷ്ട്രീയത്തില്‍ തിളങ്ങാം :)

    മറുപടിഇല്ലാതാക്കൂ
    മറുപടികൾ
    1. രാഷ്ട്രീയത്തില്‍ മാത്രമല്ല, ഇതെല്ലാമറിയുന്നവന്, എവിടെയായാലും ജീവിച്ചുപോകാം. നാണംകെട്ടും പണം നേടിയാല്‍, നാണക്കേടാ പണം തീര്‍ക്കും എന്നല്ലേ.. നന്ദി... അഷ്‌റഫ് ഭായ്.

      ഇല്ലാതാക്കൂ
  4. കണ്ടില്ല... കേട്ടില്ല... മിണ്ടില്ല... :) :)

    മറുപടിഇല്ലാതാക്കൂ
    മറുപടികൾ
    1. കണ്ണുണ്ടായിട്ടും കാണുന്നില്ലാ ചിലര്‍...
      കണ്ണില്ലാഞ്ഞിട്ടും കാണുന്നിതാ ചിലര്‍....
      നന്ദി മുബീ...

      ഇല്ലാതാക്കൂ
  5. ആരുടെയൊക്കെയോ സ്വന്തം നാട്‌..!!

    നന്നായി എഴുതി.

    ശുഭാശംസകൾ....

    മറുപടിഇല്ലാതാക്കൂ
    മറുപടികൾ
    1. ആരുടെയൊക്കെയോ അല്ല, ഈ വിദ്യകളെല്ലാം പഠിച്ചവരുടെ, സ്വന്തം നാട്.... കമന്റിട്ടതില്‍ സന്തോഷം... നന്ദി.. സൗഗന്ധികം.

      ഇല്ലാതാക്കൂ
  6. മറുപടികൾ
    1. "If you want your dreams come true, never sleep" എന്നല്ലേ കൊച്ചുഗോവിന്ദന്‍ ഭായ്... നന്ദി,,,

      ഇല്ലാതാക്കൂ
  7. ഒന്നു മാറ്റിപ്പിടിച്ചല്ലോ. നന്നായിട്ടുണ്ട്

    മറുപടിഇല്ലാതാക്കൂ
    മറുപടികൾ
    1. ഒരു ചെയ്ഞ്ചായിക്കോട്ടേന്നു കരുതി വേട്ടത്താന്‍ ജി... ചിലപ്പോള്‍ കവിതപോലെ ചിലതൊക്കെ ഞാനും തട്ടിവിടാറുണ്ട്. വായിക്കുവാന്‍ സന്മനസ്സ് കാണിച്ചതില്‍ സന്തോഷം... പ്രോത്സാഹനത്തിന് നന്ദി..

      ഇല്ലാതാക്കൂ
  8. അറിയാവുന്ന പണി ചെയ്താല്‍ പോരേ ?ആവശ്യത്തിന് കവികള്‍ നമുക്ക് മലയാളത്തില്‍ ഉണ്ടല്ലോ

    മറുപടിഇല്ലാതാക്കൂ
    മറുപടികൾ
    1. അതാണ് സിയാഫ് ഭായ്... പറയാനുള്ളത് മുഖം നോക്കാതെ തുറന്നങ്ങ് പറയണം... വളരെ സന്തോഷം... കേട്ടോ.. ഒത്തിരി നന്ദി..

      ഇല്ലാതാക്കൂ
  9. ചെമ്മനം കവിത പോലെ ഒരു ഫീല്‍!!

    മറുപടിഇല്ലാതാക്കൂ
    മറുപടികൾ
    1. ചെമ്മനം ചാക്കോ സാര്‍ ഒരു ജൂനിയര്‍ കുഞ്ചന്‍ നമ്പ്യാരായിരുന്നു എന്നു കേട്ടിട്ടുണ്ട്. അദ്ദേഹത്തിന്റെ കവിതയുടെ ഫീലോ ????????????????. നല്ല വാക്കുകള്‍ക്ക് നന്ദി അജിത്തേട്ടാ..

      ഇല്ലാതാക്കൂ
  10. കാലുമാറ്റവും വേണ്ടിവരുമല്ലോ?കഷ്ടം!
    കലികാലവൈഭവം നന്നായി.
    ആശംസകള്‍

    മറുപടിഇല്ലാതാക്കൂ
    മറുപടികൾ
    1. അതും വേണ്ടതായിരുന്നുവല്ലേ...തങ്കപ്പന്‍ സാര്‍... എണ്ണിയാല്‍ തീരില്ല. അത്രക്കുണ്ട് നമ്മുടെ ഗുണഗണങ്ങള്‍... നന്ദി.

      ഇല്ലാതാക്കൂ
  11. നേരു പാകി സത്യം വിളയുന്ന കാലം....അതെത്ര അകലെ...?

    മറുപടിഇല്ലാതാക്കൂ
    മറുപടികൾ
    1. സത്യം നാമാവശേഷമായി കൊണ്ടിരിക്കുന്നു... സത്യസന്ധര്‍ക്ക് വംശനാശം സംഭവിച്ചുകൊണ്ടിരിക്കുന്നു. വായനയക്ക് നന്ദീട്ടോ...

      ഇല്ലാതാക്കൂ
  12. സത്യം പറയുവാൻ ഭയപ്പെടേണ്ട കാലമാണ് സുധീർഭായ് ഇത്... മാത്യു ആർണോൾഡിന്റെ ലോട്ടോസ് ഈറ്റേഴ്സിലെ നാവികരെപ്പോലെ നമുക്ക് നിസ്സംഗരായിരിക്കാം...

    മറുപടിഇല്ലാതാക്കൂ
    മറുപടികൾ
    1. സത്യം വിനുവേട്ടാ... സത്യം പറയുവാന്‍ ഭയപ്പെടേണ്ട കാലമാണ്... ആ നാവികരെ ഞാന്‍ പരിചപ്പെട്ടിട്ടില്ലാട്ടോ... നന്ദി.

      ഇല്ലാതാക്കൂ
  13. കലികാലമല്ലേ ... എല്ലാം കാണാം കേൾക്കാം അല്ലെ ???

    മറുപടിഇല്ലാതാക്കൂ
    മറുപടികൾ
    1. ഇടിച്ചു നില്‍ക്കാന്‍ പറ്റില്ലായിരിക്കും എന്നാലും ഒന്നു പിടിച്ചുനില്‍ക്കാന്‍ നോക്കുന്നത് നല്ലതല്ലേ... മയ്യനാട് മാനവന്‍ ഭായ്... കമന്റിന് നന്ദി കേട്ടോ..

      ഇല്ലാതാക്കൂ
  14. കാണാൻ വയ്യ കേള്ക്കാൻ വയ്യ..,
    പറയാനും വയ്യ കലികാലം തന്നെ

    മറുപടിഇല്ലാതാക്കൂ
  15. കലികാലം തന്നെ ശിഹാബുദ്ദീന്‍ ഭായ്.. നന്ദി.

    മറുപടിഇല്ലാതാക്കൂ
  16. കേൾക്കരുത്, കാണരുത്, പറയരുത്.....
    കലികാലത്തിന്റെ മുദ്രാവാക്യം അതാണല്ലോ.....

    കവിത സഞ്ചരിച്ച വഴി ഇഷ്ടമായി

    മറുപടിഇല്ലാതാക്കൂ
  17. അവസാനത്തെ വരി ട്രെഡ്മില്ലിനെപറ്റിയാണോ??

    മറുപടിഇല്ലാതാക്കൂ
    മറുപടികൾ
    1. ഇപ്പോള്‍ ആസ്വദിക്കുന്ന ജീവിതനിലവാരവും സ്ഥാനവുമെല്ലാം നിലനിര്‍ത്തിപോകണമെന്നുണ്ടെങ്കില്‍ പോലും പരിശ്രമിച്ചുകൊണ്ടേയിരിക്കണമെന്ന അര്‍ത്ഥത്തിലാണ്. മാഷ് ഉദ്ദേശ്ശിച്ചപോലെ, ട്രെഡ് മില്ലിനെ, വേണമെങ്കില്‍, ഒരു പ്രതീകമായും കണക്കാക്കാം. സംശയം പങ്കുവെച്ചതിന് നന്ദി മാഷെ..

      ഇല്ലാതാക്കൂ
  18. നില്‍ക്കാന്‍ നേരമില്ലാത്ത ഓട്ടക്കാര്‍ ..പുതിയ ലോകം പിഴിഞ്ഞെടുത്ത കാഴ്ചകള്‍ ...അസ്സലായി ...!

    മറുപടിഇല്ലാതാക്കൂ
    മറുപടികൾ
    1. അഭിപ്രായം കുറിച്ചിട്ടതിന് നന്ദി.. സലിം ഭായ്.

      ഇല്ലാതാക്കൂ
  19. കവിതയുടെ വഴി കൗതുകം തുളുമ്പുന്നു....അസ്സലായി സുധീ !ആശംസകള്‍ !!

    മറുപടിഇല്ലാതാക്കൂ
    മറുപടികൾ
    1. അര്‍ത്ഥസമ്പുഷ്ടമായ കവിതകള്‍ രചിക്കുന്ന താങ്കളുടെ വാക്കുകള്‍ സന്തോഷം പകരുന്നു. നന്ദി മാഷെ.

      ഇല്ലാതാക്കൂ
  20. കാഴ്ച്ചകളിലെ കൌതുകം
    വരികളിലും തെന്‍ നിറച്ചു..rr

    മറുപടിഇല്ലാതാക്കൂ
  21. ഹായ്
    നല്ല പഴമൊഴി തില്ലാന
    ഒപ്പം ഒരു പുതുമൊഴിയും...!

    മറുപടിഇല്ലാതാക്കൂ
    മറുപടികൾ
    1. മുരളിചേട്ടന്‍ സി.ഐ.ഡി പണി അറിയാവുന്ന ആളായതുകൊണ്ട് ചോദിക്ക്യാ... ഇതുപോലുള്ള കള്ളന്‍മാരെയൊക്കെ പിടിക്കാന്‍ പറ്റുമോ... ?

      ഇല്ലാതാക്കൂ
  22. ഇങ്ങിനെയോക്കെയെ ഇനി ജീവിക്കാൻ പറ്റൂ..കുറിക്കു കൊള്ളുന്ന ആക്ഷേപം.. നന്നായി..

    മറുപടിഇല്ലാതാക്കൂ
  23. Jeevikkanulla oro vepralangal! Nadodumpol ithiree oram cherunnu nadakkunnavarum undu!

    മറുപടിഇല്ലാതാക്കൂ
    മറുപടികൾ
    1. ഉണ്ട് ആഷാജി. അങ്ങനെയുള്ളവരും ഉണ്ട്. പക്ഷെ കൂടുതലും മറ്റുള്ളവരെ അനുകരിക്കുകയാണ്. പറയാന്‍ കുറേ മുടന്തന്‍ ന്യായങ്ങളും.

      ഇല്ലാതാക്കൂ